1. Ver kvirr, mín sál, tí Harrin hjá tær stendur;
ber tolin krossin, ið tær givin er.
Minst til, at Guð hvønn dag tær uppiheldur,
í øllum lutum trúfesti tær ber.
Ver kvirr, mín sál, tær halda Harrans hendur
ígjøgnum tornir heim á himmalsferð.

2. Ver kvirr, mín sál, tí Harrin vil teg leiða
ígjøgnum framtíð sum í tíð, ið var;
tí vón og álit, alt tað skalt tú eiga,
tað dulda hann ein dag vil vísa tær.
Ver kvirr, mín sál, um ódn og aldur feiga,
tí Harrans rødd tað illa niður slær.

3. Ver kvirr, mín sál, tá vinir frá tær fara
og dimmast løtur, fella sorgartár,
hann hjartans kærleika tá vil teg læra,
at eftir vetur kemur altíð vár.
Ver kvirr, mín sál, tí Jesus skal teg varða,
hann fyllir teg og grøðir tíni sár.

4. Ver kvirr, mín sál, skjótt koma skal hin dagur,
tá tú í ævir stendur Guði hjá;
tá sorg og ótti, vónloysi ei ræður,
øll stúran gloymd, tí alt er gleði tá.
Ver kvirr, mín sál, tí frelsarin so frægur
til fulnar ger, tú einki eigur á.

-------
Heiti: Be still, my soul
The Lord is on my side