ritardandu

Ritardando meðan ritið dandar

----------------   er í ger - ikki skrivað liðugt...  verður skrivað liðugt í vikuskiftinum ......

  • Heimasíðan SANG.FO fekk sína byrjan við, at HIDDENFJORD gav mær eina trivaliga gávu til SANG.FO við ársbyrjan í 2024
    - Harumframt fekk eg nakað av privatum stuðli í 2024 eisini - og nakað av stuðli í 2025
    - Hetta tilsamans hevur goldið fyri at byggja og útbyggja SANG.FO í tí skapi, ið hon er í nú - og hevur rokkið til rakstur í 2024 og 2025
    - Arbeiðið hevur tó stórt sæð ligið stilt síðan 01/06-2025, tí eg komi ikki víðari við systematiska arbeiðinum í verandi støðu
    - Eg fái ikki redigera nøktandi og vil tískil ikki miðvíst leggja stórvegis av blandaðum tilfari inn afturat, fyrr enn heimasíðan er redigerað og ruddað til ein leist sum gevur meining hjá mær at fara víðari við 
    - Men eg fái gjørt okkurt smávegis kortini - stundum rekur onkur sangur inn í savnið, táið ættin er til flogfenað
    - Heimasíðan er annars komin fyri at verða - so ella so - og hon verður ikki niðurløgd aftur, sjálvt um undirtøka ikki verður fyri henni
    - Eg gjaldi fyri hýsing sjálvur, um neyðugt - men eg vóni og vænti kortini, at undirtøka verður fyri hesi verkætlan komandi árini, so arbeiðið kann halda fram eftir tí leisti, ið eg havi lagt
  • TAÐ EINASTA ARBEIÐI, IÐ EG GERI - OG FÁI GJØRT, INNTIL HEIMASÍÐAN ER HØVUÐSÚTBYGD,
    er at leggja heildarsøvn av sangum (og einstakar sangir) inn, sum/um eg fái tilsent frá føroyskum høvundum ella eftirkomarum teirra lutvíst eftir áheitan frá mær - og einstakar sangir, sum leypandi koma mær í hendi, og sum eg haldi kunnu leggjast inn uttan at órógva arbeiðsgongdina  framyvir
    - Tey heildarsøvn av sangtekstum, ið eg evt fái, áðrenn dupultgangarar verða ruddaðir (næsta punkt), verða skrásett við kotuni "- 0", so eg kenni tað aftur, táið eg útruddi dupultgangararnar, aftaná at heimasíðan er høvuðsútbygd. Eg havi brúkt skrásetingina "- 1" ","- 2", "- 3", og "- 4" fyri at halda skil á innføringini - hetta verður alt ruddað saman við dupultgangarunum í næsta punkti

HEIMASÍÐAN MÁ HØVUÐSÚTBYGGJAST, ÁÐRENN SYSTEMATISKA ARBEIÐIÐ KANN HALDA FRAM !
- Tann høvuðsútbyggingin verður gjørt so skjótt, sum eg havi 100.000 kr tøkar í stuðli !
- Tað kann so vera í ár, komandi ár, ella uppaftur seinni - um nøkur ár !
- Tað kann eisini vera, at tað ongantíð blívur til nakað - livst, so spyrst...

  • Henda útbyggingin er neyðug fyri at kunna arbeiða systematiskt við so stórum nøgdum av teksti, ið eru á síðuni nú umframt tað, sum kemur afturat, táið dupultgangararnir eru fyribeindir
  • Her mangla enn flestu fosturlandssangirnir, barnasangir, lættari veitslusangir o.a.
  • Leitiskipanin krevur at útbyggjast munandi og sorteringmøguleikar mugu gerast, fyri at eg kann rudda ordiliga upp í dupultgangarum og eftirkanna, so ikki nýggir dupultgangarar koma afturat, táið teir verandi eru ruddaðir
  • Eg skal kunna synkronisera fleiri útgávur av sama sangi til eina
  • Útbyggingin er eisini neyðug, fyri at heimasíðan skal kunna brúkast av nógvum fólki samstundis og tola rúgvismikla ferðslu. 
  • Táið heimasíðan er høvuðsútbygd - nær, tað so verður, um tað annars verður - so leggi eg væntandi eitt yvirlit út her yvir, hvørjir nýggir funktionalitetir, ið tá eru møguligir 
  1. Í stuttum, so fer henda útbyggingin at klára alt tekstarbeiði fyri eftirtíðina (evt. við smærri uppfylgingum) - innlegging av túsundtals sangtekstum, kraftig leitiskipan, allar hugsandi skrásetingarmøguleikar og samskipan av tekstunum o.s.fr. - og so fái eg gjørt alt ætlað tekstarbeiði komandi árini, uttan mun til nær XML verður endaliga útbygt!
  2. Og - hinvegin - um tað ikki er áhugi fyri at stuðla hesum arbeiðinum nøktandi, so er tað heldur einki problem - so staðfesti eg bara, at tað er ikki nøktandi áhugi fyri einum heildarsavni av føroyska sangskattinum - og tað er so eisini í lagi - so verður tað bara eitt ítriv hjá mær við teimum avmarkingum, ið tað hevur, og tað tími eg eisini væl
  3. Men eg haldi nú kortini, at vit áttu sum føroysk tjóð og føroyskt mál at havt eitt gjøgnumarbeitt og fullfíggjað savn av føroysku sálmunum & sangtekstunum og løgum teirra! Men tað vil tíðin so vísa, hvussu áhugin er fyri tí!

TÁIÐ SYSTEMATISKA ARBEIÐIÐ - VIÐ ARBEIÐSLISTANUM LEYPANDI - VERÐUR TIKIÐ UPPAFTUR, AFTANÁ AT HEIMASÍÐAN ER HØVUÐSÚTBYGD: