1. Meg droymdi um átjan svanir í nátt
og hartil eitt sindur um teg,
tú bað meg um átjan kossar í nátt,
og tær sýta ei vildi eg.
Syng stillan, syng kyrran,
so sigur mær kvirran,
at hevði eg vakna,
ja, so varð einki droymt,
og vit høvdu hvørt annað gloymt.

2. Eg sá teg úr glugga mínum í gjár,
min vinur, tú sást ikki meg,
tú gekst framvið mínum glugga í gjár,
og so gekst tú ein annan veg.
Syng stillan, syng kyrran,
so sigur mær kvirran,
at læt eg upp gluggan,
áðrenn tú fór avstað,
so vit høvdu hvørt annað sæð.

3. Tað regnar í minum dreymi í dag,
eg gevi tær mítt paraplý,
mín væna vina, hvar fert tú í dag,
tað gránar hátt ímillum ský.
Syng kyrran, syng stillan,
sig, hevði tú vilja,
at eg fór avstað,
ja, eg veit ikki hvar,
og tú eftir í regni var.

-------------------------------
Heiti: Visen om de atten svaner
Lag: Benny Andersson and Björn Ulvaeus
Orð: Cornelis Vreeswijk
Týtt: Edmund Williamson 30. mars 2020