3565%003 Áh, hvør stórt at trúgva á Jesus +E.H. 80. Söndagsskolans segertoner 4. D–a.
O HUR STORT ATT TRO PÅ JESUS UTI UNGA ÅR.

Áh, hvør stórt at trúgva á Jesus, hann ið ungur er,
í tí ljósu, glaðu barnatíð,
áðrenn syndaeitrið sleppir inn og skaða ger,
hvíla Jesu eymu ørmum í!
Niðurlag: Áh, hvør stórt at trúgva á Jesus, hann, ið ungur er,
og at tala um hans dýra navn.
Tá so barnatíð og barnaspæl frá okkum fer,
hvílir sálin í tí tryggu havn.
2. Áh, hvør stórt at lýða Jesus, hann, ið ungur er,
og at kenna tá hans søta frið!
Tá ið sinnið fyrst av synd og vantrúgv markað er,
tá er tungt og trekt at venda við.
3. Áh, hvør stórt at tæna honum, hann, ið ungur er,
til hans akrar skunda sær avstað!
Hvussu lítið enn tað er, ein fyri Jesus ger,
vil hann hundrað ferðir løna tað.
4. Áh, hvørt stórt at vænta Jesus, hann, ið ungur er!
Skjótt hann kemur, tekur síni heim.
Hann skal gleða síni elskaðu, ið grótu her,
og ein hvítan klædning geva teim.

*Andrew L. Skoog (Svør./Amer.), 1856–1934.
{Lag: A.L. Skoog}.
(V. Danielsen týddi).