1. Ver still, mín sál, tí Harrin er tær nær,
við toli vonda sorgarkrossin ber,
lat Gud bert greiða alt og lýsa tær,
hvat enn umskiftist, trúgvur Hann tær er.
Ver still, mín sál, skjótt Hann tú síggja skalt,
um trongdarstíggj til gleði leiða alt.

2. Ver still, mín sál, Gud fremja vil títt mál
av nýggjum, sum Hann áður hevur víst.
Tín vón, títt álit vikist ei, mín sál,
alt gátuført skal gerast ljóst til síðst.
Ver still, mín sál, enn kenna sjógvur, lot
Hans rødd, sum eitt sinn stilti storm og brot!

3. Ver still, mín sál, so skundigt skeiðið fer,
inntil vit ævigt verða Honum hjá,
tá vónbrot, ótti, sorg - alt horvið er,
hin sanna kærleiksgleðin blómar tá.
Ver still, mín sál, skjótt felt er síðsta tár,
og okkum heilsar ævinleikans vár!

--------------------
Heiti: Be still, my soul
The Lord is on my side