2177%Um tú av syndini byrðaður er, lat Jesus +St. 194. Hymns of Truth 353. As–es.
LET JESUS COME INTO YOUR HEART (Om du är trött på den synd, som dig tär).

Um tú av syndini byrðaður er,
lat Jesus í hjarta títt inn,
ynskir tú byrja nýtt lív nú og her,
lat Jesus í hjarta títt inn.
Niðurlag: Kom nú, hann frelsu tær vann,
kom nú og vraka ei hann.
Kom nú, hann reinsa teg kann,
lat Jesus í hjarta títt inn.
2. Vilt tú, at halgað títt lív verða skal,
lat Jesus í hjarta títt inn,
blóðkeldan dýra teg reinsar fullvæl,
lat Jesus í hjarta títt inn.
3. Er tað ein ódn, sum tú stilla ei kann,
lat Jesus í hjarta títt inn,
um ongan frið tú í heiminum fann,
lat Jesus í hjarta títt inn.
4. Ynskir tú syngja hin himmalska song,
lat Jesus í hjarta títt inn,
honum tú prísa sum Harra og Kong,
lat Jesus í hjarta títt inn.

*Lelia N. Morris (Mrs. C.H. Morris), (Amer.), 1862–1929.
{Lag: Lelia N. Morris}.
(Hákun Djurhuus týddi úr svenskum).