1994%Saman ganga vit himmalgøtu +Lag: Every step of the way… G–d.

Saman ganga vit himmalgøtu,
vit Guds børn stevna á mál.
Komin saman til minnisløtu
í einum anda og sál.
Vit minnast nú Jesus og krossins tunga stríð
og deyða hans, sum keypti okkum frí,
Jesus segði:
„Brótið breyðið
og minnist meg alla tíð!“
2. Takksom saman vit Kristus minnast
og undrast náðina á,
at vit millum hans frelstu finnast,
loyst dómi ævigum frá.
Áh, kærleiki stórur, hann vísti mær og tær,
hann syndaskuld og byrði mína bar.
Minnisløtur
og friður søtur
í hjartað Jesus gav mær.
3. Kristus doyði, men reis við megi,
breyt deyðans kvølfullu nátt.
Lívsins Harri á páskadegi
vísti sín uppreisnarmátt.
Nú vænta vit Jesus at koma hvønn ein dag,
mín sál nú minnist Jesus Kristus glað.
Sælur dagur,
tá ið eg glaður
skal flyta heim í Guds stað.

*Svenning av Lofti, f. 1939.
{Lag: Ókent tónaskald}.